Información do paso á Secundaria para o alumnado e as familias

 Ola, rapazas e rapaces de sexto de Educación Primaria:
 

As circunstancia provocadas pola pandemia non nos permitarán rematar o curso de forma presencial, polo que este fin de curso e de etapa van ser un pouco distintos.

A visita que pensabamos facer ao IES Castelao, centro ao que acudiredes a maior parte de vós, non se poderá facer. Por elo queremos que, aínda que non sexa o mesmo, recibades a información que dende Orientación, en coordinación co Departamento do Instituto, poda interesarvos.

Comezades unha nova Etapa Educativa, a Educación Secundaria Obrigatoria. 

É un momento moi importante nas vosas vidas e moi emocionante. Despois de tantos anos no Pombal agora cambiades a outro centro que non coñecedes e con rutinas que non son ás que estades acostumados ata agora.
Nesta nova etapa tedes que vos esforzar ao máximo, traballar moito e desfrutar das actividades e as novas posibilidades que vos ofrece.
Ides coñecer a novas compañeiras e compañeiros e iso vos dará oportunidade de aumentar o grupo de amizades que é moi importante para ter o apoio e axuda que todos necesitamos.
Estades preparados para afrontar este cambio con éxito, pero non nos esquezades nunca!

Información do Departamento de Orientación do I.E.S. Castelao (Fai clik enriba)