Iniciativa ARCO
17 de novembro de 2020
INICIATIVA ARCO
A Consellería de Educación, Universidade e Formación Profesional xunto co Ministerio de Educación y Formación Profesional e a Unión Europea (Fondo Social Europeo), poñen en marcha accións de Apoio, Reforzo de Competencias e Orientación para o curso 2020-2021, o que coñecemos como a Iniciativa ARCO.
Este curso solicitamos a participación, igual que o curso pasado, e nola concederon.
A Iniciativa ARCO ten a finalidade de axudar a mellorar os resultados educativos do alumnado con necesidades específicas de apoio educativo, como consecuencia da situación derivada da COVID-19.
Nestes apoios ofrecerase ao alumnado unha atención individualizada que lle permita mellorar o seu rendemento escolar e acadar unha motivación positiva de cara ás súas aprendizaxes.
Para realizar estes apoios contaremos cunha especialista en Pedagoxía Terapéutica, a maiores no centro, que realizará o reforzo no horario escolar e dentro ou fóra da aula segundo o considere mais beneficioso para o alumnado.
O alumnado beneficiado por esta Iniciativa é o de 4º, 5º e 6º de Educación Primaria con necesidades específicas de apoio educativo.
Comentarios
Publicar un comentario