PLAN RECUPERA 2021-2022
PLAN RECUPERA
O Plan Recupera vai dirixido a centros docentes públicos de educación primaria e secundaria dependentes da Consellería de Cultura, Educación e Universidade para o curso 2021-2022. Forma parte da "Estratexia Galega de Inclusión Educativa, EduInclusión 2021-2025" da Consellería de Cultura, Educación e Universidade. Ten como obxectivo mellorar o rendemento académico e desenvolvemento do éxito educativo por medio do reforzo, apoio e acompañamento na aprendizaxe daquel alumnado vulnerable que por causa da pandemia non alcance os obxectivos e as competencias establecidas para o nivel correspondente.
Dentro deste Plan convócanse os Contratos-programa Recupéra-T que inclúen o Programa ARCO e o Programa PROA +.
O Programa ARCO (Programa de Apoio, Reforzo e Orientación) está cofinanciado polo Fondo Social Europeo (FSE) e o Ministerio de Educación e Formación Profesional. Para levar a cabo este programa contaremos co reforzo dun mestre especialista de Pedagoxía Terapéutica, durante o primeiro trimestre do curso 2021-2022 a xornada completa, que apoiará ao alumnado de 4º e 5º de Educación Primaria que sexa proposto polos titores e despois de informar ás familias.
O Programa PROA + (Programa para a Orientación, Avance e Enriquecemento Educativo) está cofinanciado polo Ministerio de Educación e Formación Profesional e a Unión Europea no marco do "Mecanismo de recuperación, transformación e resiliencia". Para levar a cabo este programa contaremos co reforzo dun mestre especialista de Pedagoxía Terapéutica, durante o curso 2021-2022 a media xornada, que apoiará ao alumnado de 6º de Educación Primaria que sexa proposto polos titores e despois de informar ás familias.
Solicitamos a participación en ambos programas e foinos concedida polo que comezará o apoio no mes de outubro.
Comentarios
Publicar un comentario